جواب: یہ شوہر کی اجازت پر موقوف ہے اگر وہ راضی ہو تو حرج نہیں۔

جواب: گھریلو امور میں نقاش جائز ہے البتہ ایک دوسرے کا احترام اورالفت برقرار رہے اور اس طرح کہ بچوں پر اسکے منفی آثار مرتب نہ ہوں۔ اور بیوی پر شوہر کی اطاعت صرف دو چیزوں میں واجب ہے، استمتاع جنسی اور گھر سے باہر نکلنے کی اجازت لینا ۔ اور اسکے علاوہ دیگرامور میں بیوی پر واجب نہیں کہ شوہر کی ہر بات مانے۔

جواب: شوہر کے واجب حقوق میں سے ایک یہ ہے کے زوجہ اسکی اجازت کے بغیر گھر سے باہر نہ جائے اگرچہ شوہر کی حق تلفی نہ بھی ہوتی ہو۔

جواب: شوہر کی اجازت کے بغیر گھر سے باہر جانا جائز نہیں سوائے یہ کہ کوئی عذر شرعی ہو کہ اگر شوہر واجب مقدار میں نفقہ یعنی بیوی کے لئے کھانے پینے ، لباس اور رہائیش کا بندوبست کرنا یا اگر مریض ہو تو علاج ۔یا اتنا نہ دیتا ہو کہ جو شوہر کی شان کے مطابق اسکی بیوی کے لائق ہو( یعنی اس جیسے شوہر کی بیوی کا خرچہ) تو اس صورت میں زوجہ کے لئے عذر بنتا ہے کہ وہ گھر سے باہر جا کر اپنے لئے ذریعہ معاش پیدا کرے۔

جواب: اگر وہ گھر زوجہ کی شان کے مطابق نہ ہو( بالقیاس الی الزوج) یعنی شوہر کے لحاظ سے یہ شان نہ ہو کہ اس جیسے انسان کی بیوی اس گھر میں رہے تو وہ رہائش کے لئے ایسے گھر کا مطالبہ کر سکتی ہے کہ جو اس شوہر کے لحاظ سے یا اس جیسے انسان کی بیوی کے لئے ہونا چاھئیے، اور اس مسئلے میں معیار اس جیسے انسان کی بیوی کی شان ہے نہ کہ شادی سے پہلے زوجہ کی شان جو مثلا اسکے باپ کے گھر میں تھی۔

جواب: مذکورہ صورت میں بھی زوجہ پر لازم ہے کہ گھر سے باہر جانے کے لئے شوہر کی اجازت لے چاہے ایک ہی بارشوہر اسے اپنا وکیل بنا دے کہ وہ جب چاہے خود کو شوہر کی طرف سے اجازت دے ۔ البتہ اگر شوہر زوجہ کا واجب خرچہ نہ دے جبکہ وہ قدرت رکھتا ہو تو اس صورت میں اگر بیوی اپنے معاش کے لئے گھر سے نکلنے پر مجبور ہو تو اسے اجازت کی ضرورت نہیں۔

جواب: زوجہ اپنے لئے ایسی رہائش کا مطالبہ کر سکتی ہے جو اسکے شوہر کی شان کے مطابق اسکی بیوی کے لئے ہونا چاہئے۔

جواب: شادی شدہ لڑکی کے لئے رہائش ایسی ہونی چاہئے کہ جو اسکے شوہر کی شان کے مطابق ہو کہ وہ اپنی بیوی کو اس کے مطابق رہائش فراہم کرے نہ کہ لڑکی کے باپ کی شان کے مطابق لہذا زوجہ کے والدین کو مطالبہ کا حق نہیں چاہے جبکہ بیوی خود کمتر گھر میں رہنے پر راضی ہو۔

جواب: اگر وہ شوہر کے گھر کو ترک کرنے میں شرعا معذور ہو اور اسکا شوہر اس کے لئے کسی اور مناسب رہاش کا انتظام بھی نہ کرے تو وہ اپنی رہائیش کے لئے خود مختار ہوگی اور اس گھر سے باہر نکلنے کے لئے اجازت کی محتاج نہیں ہوگی۔

جواب: بیوی پر شوہر کے واجب حقوق میں سے ایک یہ ہے کہ وہ بغیر اجازت گھر سے باہر نہ جائے۔ اور رشتہ داروں سے ملنے کے لئے بغیر اجازت گھر سے باہر جانا صرف اس صورت میں جائز ہے جب اس پر صلہ رحمی عرفا موقوف ہو۔ جبکہ صلہ رحمی کا واجب یعنی قریبی رشتہ داروں کے احوال معلوم کرنا ،سلام کہلوانا وغیرہ کسی کے واسطے سے یا فون پر یا کسی اور طریقے سے بھی اداء ہوسکتا ہے ۔

جواب: مار پیٹ جائز نہیں اور اگر اس طرح مارے کے بدن سرخ یا سیاہ ہوجائے تو وہ گناہگاربھی ہوگا اور اس پر دیت بھی واجب ہوجائے گی۔

جواب: شادی شدہ عورت کے لئے شوہر کی اجازت کے بغیر گھر سے نکلنا جائز نہیں سوائے یہ کہ کوئی عذر شرعی ہو ورنہ وہ گناہگار ہوگی۔

جواب: اگر یہ تصرف صاحب مال (بیوی) کی اجازت سے ہو تو کوئی حرج نہیں ہے۔

جواب: بیوی کے لئے جائز نہیں ہے کہ وہ شوہر کو متعارف جنسی لطف اندوزی سے روکے، سوائے حالت حیض و نفاس اور (واجب معین روزہ) میں فقط جماع سےروک سکتی ہے۔ جبکہ حالت احرام میں ہو تو ہر قسم کی جنسی لذت سے۔

جواب: جی ہاں شرعا بیوی پر واجب ہے کہ شوہر کی اجازت کے بغیر گھر سے باہر نہ جائے اور شوہر بہرحال بیوی کو گھر سے باہر جانے سے منع کر سکتا ہے سوائے یہ کہ اسکا باہر جانا کسی ایسے واجب کی ادائیگی کے لئے ہو جو باہر جانے پر موقوف ہو ۔ جبکہ شوہر کے لئے مناسب یہ ہے کہ وہ معاشرت بالمعروف کے مطابق عمل کرے اور عرفی ضرورتوں کے لئے بیوی کو اجازت دے۔

جواب: زوجہ پر واجب ہے کہ وہ ان دو کاموں میں شوہر کی نافرمانی نہ کرے۔
۱ جنسی لذت گیری اور لطف اندوزی میں شوہر کا حق ہے کہ جب چاھے زوجہ سے استمتاع کرے۔
۲ شوہر کی اجازت کے بغیر گھر سے باہر نہ جائے۔
اس کے علاوہ باقی گھریلو کاموں میں شوہر کی اطاعت کرنا واجب نہیں ہے جبکہ دونوں کو چاھئے کہ اپنے معاملات کو ایک دوسرے کے احترام کے ساتھ باھمی تفاھم اور بات چیت سے حل کریں۔

جواب: اگراسکے شوہرنے اسہی حال میں شادی کی تھی کہ وہ کام کرتی تھی یا نکاح کے عقد میں شرط طے ہوگئی تھی کہ وہ کام جاری رکھے گی تو اس صورت میں شوہر منع نہیں کرسکتا ورنہ بیوی کے لئے شوہر کی مخالفت کرتے ہوئے گھر سے باہر جانا جائز نہیں۔

جواب: سیاہ لباس پہننے میں بذات خود کوئی مشکل نہیں البتہ اگر یہ بیوی کی زیب و آرائش میں شوہر کی حق تلفی یا نفرت کا سبب بنے اور شوہر اس سے منع بھی کرے تو جائز نہیں۔

جواب: شوہر کے لئے ایسا کرنا جائز نہیں اور بیوی اپنے اس شرعی حق کا مطالبہ کر سکتی ہے۔

جواب: جی ہاں وہ منع کرسکتا ہے۔

جواب: بیوی کے لئے شوہر کی اجازت کے بغیر گھر سے باہر جانا جائز نہیں سوائے یہ کہ کوئی واجب اس پر متوقف ہوجائے اوراگربعض خونی رشتہ داروں سے ملنے جانا اگر صلہ رحم کا مصداق بنے تو جائز ہے، اور صلہ رحم کا مطلب یہ ہے کے انسان اپنے رشتہ داروں کی خبرگیری کرے ان کی احوال پرسی کرے اور ان کی حاجت کو بقدر امکان پورا کرے البتہ یہ امور بیوی کےگھر سے باہر جانے پر موقوف نہیں بلکہ احوال پرسی کے لئے ٹیلیفون کیا جاسکتا ہے یا کسی شخص سے انکا حال معلوم کیا جا سکتا ہے انہیں سلام بھیجا جاسکتا ہے یا جب وہ ملنے آئیں تو بھی یہ واجب اداء ہوجاتا ہے لہذا اس غرض کے لئے شوہر کی اجازت کے بغیر گھر سے نکلنے کی ضرورت نہیں۔ جبکہ شوہر کے لئے مناسب یہ ہے کہ بیوی کو اپنے قریبی رشتہ داروں سے ملاقات کی اجازت دے یا متعارف طریقے سے اس امر کا انتظام کرے۔

جواب: وہ تمام قریبی خونی رشتہ دار جو انسان کہ ارحام شمار ہوتے ہیں جیسے والدین ،اجداد ،اولاد اور انکی اولادیں انسان کے بھائی بہن ،چچا ،پھپی، ماموں، خالہ وغیرہ۔ ان رشتہ داروں سے صلہ رحمی واجب ہے اور صلہ رحمی سے مراد یہ ہے کہ انسان بذات خود یا کسی واسطے سے انکی احوال پرسی کرے اگر بیمار ہوں تو عیادت کرے محتاج ہوں تواپنی استطاعت کے مطابق انکی حاجت روائی کرے۔

جواب: زوجہ کے لئے حاکم شرعی سے طلاق کا مطالبہ کرنا اس وقت جائز ہوتا ہے کہ جب اس کا شوہر حاکم شرعی کی طرف سے الزام کرنے کے باوجود ، نہ تو بیوی کے حقوق اداء کرے اور نہ اسے طلاق دے، تو اس صورت میں حاکم شرعی اس عورت کو شرائط پوری ہونے کے بعد طلاق دے سکتا ہے اور جن صورتوں میں یہ حکم شامل ہے وہ یہ ہیں۔
۱ اگر شوہر نفقہ نہ دے اورنہ ہی طلاق دے ،اور اسہی طرح ہے کہ اگر وہ نفقہ دینے پر قادر نہ ہو اوراس کے باوجود طلاق بھی نہ دیتا ہو۔
۲ اگر شوہر بیوی کو اذیت دیتا ہو، اس پر ظلم کرتا ہو اور جس طرح اللہ نے معاشرت بالمعروف کا حکم دیا ہے اس طرح اپنی بیوی کہ ساتھ زندگی نہ کرتا ہو۔
۳ اگر شوہر بیوی کو بلکل ہی معلق چھوڑ دے ،اس طرح کہ نہ تو وہ شوہر دار عورتوں کی طرح رہے نہ ہی طلاق یافتہ کی طرح۔
البتہ اگر وہ اسکی جنسی حاجت کو کاملا پورانہ کرے، اس طرح سے کہ خوف ہو کے کہیں وہ حرام میں نہ پڑجائے تو اگرچہ شوہر پر احتیاط لازم یہ ہے کہ وہ بیوی کی اس حاجت کو پورا کرے یا پھر اسکے طلاق کے مطالبے کو پورا کرے لیکن اگر وہ ایسا نہ کرے تو تو بیوی کو چاھئے کہ وہ صبر اور انتظار کرے۔