جواب: اسلامی بلدان وہ ہیں کہ جہاں مسلمانوں کی اکثریت رہتی ہے، اور اس میں معیار کوئی اسلامی شھر یا کوئی اسلامی قریہ یا گائوں بھی ہوسکتا ہے ، پورا ملک مسلمان ہونا یا وہاں کی حکومت معیار نہیں۔
اور کمپنی یا ریسٹورنٹ سے خریداری میں معیاراس شخص کا ہوگا جس سے آپ خرید رہے ہیں جو کہ کبھی مالک ہوسکتا ہے ، کبھی فروخت پر مامور کارکن وغیرہ۔

جواب: اگر انسان مجبور ہو کہ وہ کسی اسلامی ملک کوترک کرکے کسی ایسے غیر اسلامی ملک میں جا کر بسے کہ جہاں اسکے دین میں نقص پیدا ہوتا ہو تو مجبوری کی حالت میں، جیسا کہ اپنی جان بچانے کیلئے کہ اگر وہ اس ملک نہ گیا یقینا مارا جائے گا ،یا اس جیسی کوئی مشکل ہو کہ جس سے بچنے کی اور کوئی راہ نہ ہو تب صرف ضرورت کی مقدار تک وہاں رہ سکتا ہے ۔

جواب: اگر ان کا وہاں رہنا انکے لیئے یا انکے چھوٹے بچوں کیلئے دین میں نقصان کا سبب بن رہا ہو جیسا کہ وہاں رہنے کی وجہ سے واجبات چھوٹ رہے ہوں یا وہاں کی زندگی کی وجہ سے حرام کاموں کا ارتکاب کرنا پڑتا ہو تو اس صورت میں ان پر واجب ہوجاتا ہے کہ وہ ایسے ممالک کو ترک کریں جہاں وہ اپنے دینی واجبات کی ادائیگی نہ کرسکتے ہوں یا محرمات کے مرتکب ہورہے ہوں ۔