مسئلہ 1940: واجب غیر معین روزے کی نیت کا وقت اذان ظہر ( زوال) تک باقی رہتا ہے اس بنا پرا گر واجب غیر معین روزے کےلیے جیسے کفارے کا روزہ یا ماہ رمضان کا قضا روزہ ، جان بوجھ کر اذان ظہر (زوال) سے پہلے نیت نہ کرے تو حرج نہیں ہے بلکہ اگر نیت سے پہلے روزہ نہ رکھنے کا ارادہ رکھتا ہو یا متردّد ہو کہ رکھے یا نہیں چنانچہ ایسا کام جو روزے کو باطل کرتا ہے انجام نہ دیا ہو اور اذان ظہر (زوال) سے پہلے نیت کرے تو اس کا روزہ صحیح ہے لیکن ظہر کے بعد کی نیت احتیاط واجب کی بنا پر کافی نہیں ہے۔

مسئلہ 1941: میت کے نیابتی قضا روزے کی نیت کا وقت خود انسان کے قضا روزے کی طرح اذان ظہر (زوال) تک باقی رہتا ہے ۔[176] یا استیجاری اور بغیر اجرت کے روزے میں کوئی فرق نہیں ہے۔