Cavab: Cavan xanımı ilə dörd aydan artıq cinsi yaxınlıq etməmək icazəli deyil. Yalnız məşəqqət, ziyan ya da həyat yoldaşının razı olduğu hallar istisna olunur (icazə verilir). Eləcə də həyat yoldaşı naşizə olarsa, yaxud əqd müddətində duxul (daxil olma) olmayacağını şərt edərsə, istisna olunur (icazə verilir). Ehtiyat lazıma əsasən bu hökm müvəqqəti həyat yoldaşına da aid edilir. Odur ki, ərin şəriət baxımından üzrlü səbəb olmadan (həyat yoldaşının haqqı tapdalanırsa) səfərini uzatmağa haqqı yoxdur. Lakin nikah öz qüvvəsindədir və əriniz şəriət qaydası ilə talaq verməmiş onun həyat yoldaşı sayılırsınız.
Əgər qadın dörd ay gözləyə bilmirsə, belə ki, əri onunla yaxınlıq etmədiyi təqdirdə xanımın günaha düşəcəyindən qorxarsa, ehtiyat vacibə əsasən ya yoldaşı ilə bu müddətdən qabaq yaxınlıq etməli ya da ona talaq verməlidir.